आयोजक कोहलपुर रेसिङ सहारा क्लब कोहलपुर गोल्डकपको फाइनलमा प्रवेश

शाख न्यूज    प्रकाशित: २०८३-१-२२ गते   १५२ पटक हेरिएको

नेपालगञ्ज । कोहलपुर रेसिङ सहारा क्लब कोहलपुर गोल्डकप फुटबल प्रतियोगिताको फाइनलमा प्रवेश गरेको छ । बाँकेको कोहलपुरमा जारी चौथो संस्करणको कोहलपुर गोल्डकप प्रतियोगिताको पहिलो सेमिफाइनल खेलमा लालीगुराँस एसोसिएसन क्लबलाई २-१ गोल अन्तरले हराउँदै आयोजक रेसिङ सहारा क्लब फाइनलमा प्रवेश गरेको हो ।खेलको ‘म्यान अफ द म्याच’ रेसिङ साहाराका ओम प्रकाश चौधरी घोषित भए । उनले नगद पाँच हजार रुपैयाँ प्राप्त गरे ।

प्रतियोगितामा आयोजक कोहलपुर रेसिङ सहारा क्लब, पञ्चकोशी युवा क्लब, लालीगुराँस एसोसिएसन क्लब, सातदोबाटो युवा क्लब, जस्ट जोन एफसी (नाइजेरिया), रोयल फुटबल क्लब (कर्णाली), राइजिङ स्टार क्लब (नवलपरासी) र नेपाल पुलिस क्लब सहभागी छन् । 

प्रतियोगिताको विजेताले आठ लाख र उपविजेताले चार लाख रुपैयाँ नगद पुरस्कार प्राप्त गर्नेछन् । कोहलपुर-२ स्थित तेह्र बिघा खेल मैदानमा शनिबारदेखि प्रतियोगिता सुरु भएको हो । प्रतियोगिता बैशाख २६ गतेसम्म चल्नेछ । 

© Copyright 2020 Sakhanews. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech