लागूऔषध कारोबारीलाई रोक्न खोज्दा भागेपछि प्रहरीद्वारा गोलि प्रहार

शाख न्यूज    प्रकाशित: २०८१-१-२७ गते   ७८५ पटक हेरिएको

नेपालगन्ज - बाँकेमा प्रहरीले गोली चलाएको छ। लागूऔषध कारोबारीलाई पक्राउ गर्न प्रहरीले गोली चलाएको बाँके प्रहरीले जानकारी दिएको छ।

बाँके प्रहरीका अनुसार ठुलो परिमाणमा लागूऔषध लिएर जाँदै गरेको लागूऔषध कारोबारीलाई रोक्न खोज्दा भागेपछि  लागूऔषध नियन्त्रण ब्यूरोको टोलीले जानकी गाउँपालिका-६ स्थित पिप्रहवामा गोली चलाएको हो।

गोप्य सूचनाका आधारमा प्रहरीको टोलीले  नेपालगन्जबाट  भे ६ प ६२०६ र भे ५ प ३१३५ नम्बरको स्कुटरमा कोहलपुरतर्फ जाँदै गरेको अवस्थामा रोकेर चेकजाँच गर्दा कोहलपुर-१२ चप्परगौडीका २६ वर्षीय  सुशील परियारको साथबाट ११४ .२६ ग्राम ब्राउन सुगर फेला परेपछि भाग्न खोज्दा प्रहरीले उनको खुट्टामा गोली चलाएको जिल्ला प्रहरी बाँकेले जानकारी दिएको छ।

प्रहरीले कोहलपुर-१२ चप्परगौडीका २७ वर्षीय प्रमोद कार्कीलाई पनि पक्राउ गरेको छ।

प्रहरीले उनीहरुको साथबाट ११४.२६ ग्राम ब्राउन सुगर  र दुई वटा स्कुटर समेत बरामद गरेको जनाएको छ। घटनाबारे थप अनुसन्धान सुरु गरेको बाँके प्रहरीले जानकारी दिएको छ

© Copyright 2020 Sakhanews. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech